"Ko'rshapalaklar" bilan amaldagi shartnomasi 2022 yilga qadar mo'ljallangan 31 yoshli futbolchi jamoa rahbariyati oldiga shart qo'ygan. U faqat "Real", "Barselona", "Atletiko", "Vilyarreal" va "Sevilya" klublaridan biriga o'tishi mumkin. Bundan tashqari, Parexo yangi jamoasida ham yiliga 3 mln evro maosh olishni istayapti. 

Uning ehtimoliy transfer qiymati 10 million evroni tashkil qilishi kutilmoqda. Transfermarkt portalida ispaniyalik yarim himoyachi 28 million evroga baholangan.

"Valensiya" Parexoni moliyaviy muammolar sababli transferga qo'ygan. Klub rahbariyati futbolchi va xodimlarga to'lanadigan ish haqi miqdorini kamaytirmoqchi.

Eslatib o'tamiz, Parexo "Valensiya"ga 2011 yilda "Xetafe"dan kelib qo'shilgandi. U 2003-2009 yillarda Madridning "Real" klubi tizimining vakili bo'lgan.