“Real” ustozi Zinedin Zidan jamoa azosi Iskoning klubdan ketishiga qarshilik qilmaydi. Francuz mutaxassisi hal qiluvchi o'yinlarda o'zini ko'rsata olmayotgan futbolchini o'z rejalaridan chiqarishga qaror qilgan. Iskoning o'zi esa qishki transferlar oynasidayoq “Real”dan ketmoqchi.

Isko “Real” sharafini 2013 yildan beri himoya qilib keladi. Futbolchi joriy mavsum La Liga va ECHLda jami 9 ta o'yinda qatnashdi. Ularning hech birida maydonda to'liq 90 daqiqa harakat qilmagan.

Iskoning madridliklar bilan shartnomasi 2022 yil yoziga qadar mo'ljallangan.