L’Équipe nashri xabariga ko'ra, ispaniyalik himoyachi yiliga 13 million evro maosh to'lanadigan 2 yillik shartnoma xohlamoqda. 

Parijliklar 35 yoshli futbolchiga bunday shartnoma taklif qilishni to'g'ri qaror, deb hisoblashmayapti. Klub Ramos bilan 1+1 ko'rinishdagi shartnoma tuzmoqchi.

Eslatib o'tamiz, futbolchi "Real" bilan aynan shartnoma muddati bo'yicha kelisholmagani oqibatida klubdan ketishga qaror qilgandi. Madrid klubi sobiq sardoriga faqatgina bir mavsumlik shartnoma taklif qilgandi.

O'tgan mavsumda Ramos La Liga doirasidagi 15 o'yinda maydonga tushdi va 2 ta gol urdi.