"El Chiringuito" - nashri tarqatgan xabarga ko‘ra, "Madrid" bosh murabbiyi Zayniddin Zidan braziliyalik futbolchiga bo‘lgan ishonchni yo‘qotgan. Ayniqsa, "Alaves"ga qarshi o‘yinda Marselo va Varan o‘rtasida yuz bergan mojarodan so‘ng fransiyalik mutaxassis bir to‘xtamga kelgan.

Manbada aytilishicha, Zidan uzoq vaqtdan buyon Marseloni himoya qilib kelayotgan edi. Ammo endi murabbiy futbolchini maydonga tushirmoqchi emas. Marselo 2021 yilning yozida jamoani tark etishi kutilmoqda.

Braziliyalik o‘yinchining "Real Madrid" bilan amaldagi shartnomasi 2022 yilga qadar tuzilgan. Joriy mavsumda u barcha musobaqalar doirasida 6ta o‘yinda maydonga tushib, ikkita golga uzatma berdi.